a (pasthirrmë)

1. Përdoret për të shprehur habi kur ndodhemi papandehur përpara një të papriture; ah.
2. Përdoret për të theksuar shprehjen e gëzimit të kënaqësisë, të miratimit etj.; ah.
3. Përdoret kur shprehim zemërim, urrejtje, qortim, dhembje, keqardhje etj.; ah.
4. Përdoret për të shprehur mospërfillje, ironi, qesëndi ose kundërshtim, pakënaqësi për dikë a diçka që nuk e miratojmë.
5. Përdoret kur i drejtohemi një njeriu zakonisht të afërt a të njohur, me fjalë a me shprehje që kanë ngjyrime emocionale.
6. Përdoret kur kujtohemi papritur për diçka gjatë bisedës me dikë; aha.

shembuj

sipas kuptimit 1

• A, kush qenka!

sipas kuptimit 2

• A, sa e bukur qenka!

sipas kuptimit 3

• A, në më pafsh!
• A, sa më dhemb!
• A, në të zënça!

sipas kuptimit 4

• A, mos e pyeti.
• A, jo, nuk jam në një mendje me ty.
• A, këtë dashke ti!

sipas kuptimit 5

• Mirë, a derëbardhë!
• Ç’u bëre, a i vrarë!
• Mirë, a të keqen nëna!

sipas kuptimit 6

• A, po, si jo.
• A, po, m’u kujtua.

sinonime

• ah
• aha