a (pjesëz)

kuptimi

  1. Përdoret në fillim të një fjalie pyetëse për të theksuar më shumë pyetjen; përdoret në një fjali pyetëse retorike për të përforcuar shprehjen e pohimit, të mohimit a të dyshimit që nënkupton a jo.
  2. Përdoret në krye të njërës prej dy fjalive pyetëse të zhdrejta, kur e dyta lidhet me lidhëzën veçuese «apo», për të theksuar kundërvënien e veprimeve.
  3. Përdoret zakonisht në fund të një fjalie pyetëse, që shpreh habi, ironi, qesëndi, zemërim, miratim etj.; ë.
  4. Përdoret zakonisht në fillim të fjalisë për të theksuar përçmimin, qesëndinë ose ironinë; ama.

shembuj

sipas kuptimit 1
  • A po të pëlqen Sqaruesi.al?
  • A do të vish?
  • A më kupton?
  • A e mban mend?
  • A je mirë?
  • A ka?
  • A mos e di?
  • A thua?
  • A ka gjë më të rëndë?
  • A nuk e di ti?
  • A do të vijë ajo ditë?
  • A je, si je?
sipas kuptimit 2
  • Pyete, a do të bëhet tani mbledhja, apo u shty.
  • Shih a erdhën, apo s’duken ende.
sipas kuptimit 3
  1. Nuk e paske, a?
  2. Po lahet, a?
  3. S’e dashka, a?
sipas kuptimit 4
  • A, për ujë që qenka!
  • A, për burrë që qenka!

sinonime